Saturday, 4 June 2016

WCB imeajiri watu 42

Mkali wa muziki na CEO wa label ya WCB, Diamond Platnumz amesema label yake mpaka sasa tayari imeajiri watu 42.


Muimbaji huyo ambaye pia anamiliki, studio ya picha pamoja na studio ya muziki ‘Wasafi Record’, aliwaambia waandishi wa habari hivi karibuni kuwa kila anachokipata anagawana na team yake.

“Tunashukuru mungu kile tunachokipata tunagawana na wengine, mpaka sasa tayari WCB imeajiri watu 42, hii ni hatua kubwa sana katika tasnia ya muziki wetu,” alisema Diamond.

Katika hatua nyingine, Diamond amesema ni swala la kiungwana kulipa kodi katika kile anachopita.

“Unajua katika kila penye biashara ni lazima na ni haki kulipa kodi ili pato la taifa liingie, namna ya mapato maana yake nini, serikali inatambua kazi na inailinda. So serikali ipo na inafanya hivyo, lakini labda kuna nyanja nyingine hawazioni, kwa hiyo sisi kama tunataka kazi zetu zichangie pato la serikali, lazima tuwe mstari wa mbele katika kuonyesha nyanja zote za mapato, kwamba tunafanya hichi na hichi, ridhiki zetu zinatokea hapa na hapa, mishahara yetu tunagawa hivi na hivi, na kama serikali inavyoagiza katika kiasi hichi tunatakiwa kutoa kiasi hichi kwa ajili ya serikali. Kwa hiyo tusilalamike tu serikali haifanyi kazi wakati sisi tunaweza kuwa wa kwanza kuirahisishia serikali kutekeleza majukumu yake,” alisema Diamond.

Chombo kipya cha Drake

Drake anadaiwa kuibua kifaa kipya – Hailey Baldiwin.



Msichana huyo ni model maarufu na aliyewahi kuhusishwa pia kutoka na Justin Bieber. Hivi karibuni, Drake alionekana akiwa amevaa cheni ile ile aliyoonekana ameivaa mrembo huyo mwenye miaka 19.










Cannon amtaka Eminem kwenye freestyle battle

Rapper Nick Cannon amemtaka Eminem kwenye kuchana baada ya siku chache kutangaza kutoa dau la dola laki moja kwa msanii atakayemshinda kwenye shindano la kughani litakalofanika Juni 25 mwaka huu kwenye BET Awards.



Akiongea na Tim Westwood, Nick Cannon alisema “I’m still ready! I’m trying to find him. Where is he?”

Corey Charron, King Los, Bow Wow na Murda Mook ndio wasanii pekee waliotangaza kushindana na Nick Cannon kwenye shindano hilo.

Thursday, 2 June 2016

Cyrill kafuta jina la Raymond kwenye wimbo wake

Cyrill Kamikaze ametoa jina la Raymond kwenye wimbo wake mpya ‘Cheza Kidogo’ baada ya uongozi wa WCB kuukana.



Siku ya Jumanne, Cyrill aliachia wimbo wake mpya na kusema kuwa amemshirikisha msanii kutoka lebo ya WCB, Raymond lakini kupitia akaunti yake ya Twitter, meneja wa Diamond, Sallam Sharaff aliandika: “Hakuna Collabo na Raymond, alimuomba Ray amuandikie na apewe melody siku nyingi sana! Hiyo nyimbo hatuuitambui.”

Kutokana na taarifa hizo zilizoanza kuchanganya vichwa vya mashabiki, Cyrill kupitia akaunti yake ya Instagram ameandika:

“Ok nadhani issue ilikuwa ni kumtaja Ray kuwa nimemshirikisha na kiukweli ameshiriki kuandika huu wimbo asilimia 70 nzima na hata kuweka sauti zake na deal tukaikamilisha na kazi tumeifanya kabla Ray hajaenda label mpya kama nilivyo sema jana .. Basi jina nimelitoa.”